ახალი ამბები
,,ბიძინა ივანიშვილი წეროვანში, 1 ლარად ჩაგდებულ 5 მლნ კვ მიწაზე, პლანის პლანტაციას გააშენებს”

ლეიბორისტული პარტიის პრეზიდენტობის კანდიდატის შალვა ნათელაშვილის თქმით, ,,ბიძინა ივანიშვილმა, მცხეთაში, წეროვანში რამდენიმე წლის წინ 1 ლარად

მიისაკუთრა რამდენიმე ჰექტარი მიწა, სადაც კანონის კულტივაციაზე კანონის მიღების შემდეგ, მარიხუანას პლანტაციას გააშენებს, ისე როგორც მის მფლობელობაში მქონე სხვა ბევრ ადგილზე”. ამის შესახებ განცხადება შალვა ნათელაშვილმა წეროვანში, ივანიშვილის მფლობელობაში არსებულ მიწის ნაკვეთთან, ლეიბორისტების საპროტესტო აქციაზე განაცხადა.

შალვა ნათელაშვილი:
,,ეს ოქროდღირებული სივრცე ივანიშვილმა ერთ ლარად ჩაიგდო ხელში. ამგვარად აღმოჩნდა მის მფლობელობაში 5 მლნ კვ მეტი საქართველოს სხვადასხვა პრესტიჟულ ადგილებში არსებული მიწები, სადაც მალე ნარკოტიკის შემცველ მცენარეებს დათესავს და ახალ მილიარდიან ბიზნესს დაატრიალებს. ჩემი გაპრეზიდენტების შემდეგ ჩაიშლება ივანიშვილის ნარკობარონული ოცნებები და ჩაიწვება ისტორისს კარუსელში. ახალგაზრდობას ექნება უზარმაზარი გარანტიები ჯანსაღი განვითარების, განათლების, ოჯახის შექმნისთვის და ჩვენი შვილებისთვის ყოველგვარი საფრთხე მოხსნილი იქნება.“

 

| ბეჭდვა |