შალვა ნათელაშვილი, ლეიბორისტული პარტიის ლიდერი, პრეზიდენტობის
კანდიდატი:
_ მთელმა საქართველომ და მსოფლიოს მინიმუმ პოლიტიკურმა ელიტამ იცის თუ
რა დაუნდობლად ვიბრძვი რუსული ოკუპაციისა და ამ ქვეყნის აგრესიული
ანტიქართული პოლიტიკის წინააღმდეგ, მაგრამ ის, რაც დღეს ჩემი თვალით
ვნახე გელათში, მისი არ გახმაურებაც იქნება დანაშაული მომავლის
წინაშე.
ვუახლოვდებით მთელი ჯგუფი, ასე 30 კაცი, დავით აღმაშენებლის საფლავს,
ვხედავ წინ ორი რუსულად მოუბარი უცხოელია ქართველ თანმხლებთან ერთად.
უეცრად, მათგან ერთ-ერთი იჩოქებს დიდი მეფის საძვალესთან და კოცნის
საფლავის ლოდს. ბუნებრივია, ვკითხე, სადაური იყო. ამ ადამიანმა
განმიცხადა, რომ ჩამოვიდა 10 ათასი კილომეტრის იქით მდებარე ქალაქ
ვლადივოსტოკიდან, არის მართლმადიდებელი და აღმაშენებელს მიიჩნევს
თავის მეფედაც, როგორც მესიის მახვილს.
აღელვებისგან ლამის მეტყველების უნარი დავკარგე, მოკლედ გადავუხადე
მადლობა. გაუმარჯოს ასეთ რუსებს და ასეთ რუსეთს. აი, ესაა ჩვენი
ხალხების მომავალი. დარწმუნებული ვარ, ის რუსი სამხედროები, რომლებიც
დღეს ოკუპატებად დგანან ჩვენს მიწაზე, მალე გავლენ აქედან და შემოვლენ
საქართველოში ტურისტებად ,ინვესტორებად, მეგობრებად და ჩვენი
ისტორიული, მათ შორის საერთო ღირებულებების პატივსაცემად.
წყარო: euronews.ge