ახალი ამბები
,,ჩვენი სულების გადარჩენაზე ლოცვის ნაცვლად, მამაოები ივანიშვილის გადასარჩენად კარდაკარ დაიარებოდნენ”
,,მოდით რა თავს ნუ მოივტყუებთ და ნურც ღმერთთან შევცოდავთ ფარისევლობით. ვაღიაროთ, რომ საქართველოს მმართველი პოლიტიკური პარტია საპატრიარქოა. სწორედ ამიტომაა, რომ ამერიკის ახლადმოვლენილი ელჩი შეხვდა არა პოლიტიკურ ძალებს, არამედ უპირველესად ეწვია პატრიარქს.
საპრეზიდენტო არჩევნების ამგვარ სავალალოდ დამთავრებაშიც კვლავ შეიტანა განსაკუთრებული წვლილი ამ ინსტიტუტმა. ჩვენი სულების გადარჩენაზე ლოცვის ნაცვლად მამაოები ივანიშვილის გადასარჩენად კარდაკარ დაიარებოდნენ, მრევლი მათთვის კაი ხანია ამომრჩეველია. ნაცების ეკონომიკის ექს-მინისტრმა, ამჟამად საპატრიარქოს ჩინოვნიკმა ჟვანიამაც დაირტყა პრეზიდენტის ადმინისტრაციაში შეფის პოსტი. მე მხოლოდ ერთი კითხვა მაწუხებს, რა განსხვავებაა ირანის აიათოლათა რეჟიმსა და საქართველოს შორის” _ წერს ლეიბორისტული პარტიის თავმჯდომარე შალვა ნათელაშვილი.

შეგახსენებთ, რომ პატრიარქი ილია მეორე ამერიკის ახლადდანიშნულ ელჩს შეხვდა. კათოლიკოს-პატრიარქმა ელჩთან შეხვედრისას საპრეზიდენტო არჩევნებზეც გააკეთა კომენტარი. ინფორმაციას საპატრიარქო ავრცელებს.

“ა.წ. 30 ნოემბერს სრულიად საქართველოს კათოლიკოს-პატრიარქმა, მღვდელმთავრებთან და სამღვდელოებასთან ერთად აშშ-ის ახლადდანიშნული ელჩი, ბ-ნი როს უილსონი მიიღო.

შეხვედრაზე საუბარი შეეხო საქართველოსა და აშშ-ს შორის არსებულ ურთიერთობას და ასევე განხილულ იქნა სხვადასხვა მნიშვნელოვანი საკითხი.

სრულიად საქართველოს კათოლიკოს-პატრიარქმა ისაუბრა ჩვენი ქვეყნის მდგომარეობის შესახებ, ხაზი გაუსვა ოკუპირებული ტერიტორიების მშვიდობიანი გზით დაბრუნების აუცილებლობას და აშშ-ს მიერ საქართველოსთვის გაწეული თანადგომისთვის მადლიერება გამოხატა.

ბ-ნმა როს უილსონმა აღნიშნა, რომ დიდია მართლმადიდებელი ეკლესიის როლი საქართველოსა და ქართველი ხალხის ცხოვრებაში. ელჩმა მტკიცე პოზიცია დააფიქსირა საქართველოს ტერიტორიულ მთლიანობასთან დაკავშირებით და განაცხადა, რომ აშშ აქტიურად გააგრძელებს ამ მიმართულებით საქართველოს მხარდაჭერას.

საპატრიარქო ტახტის მოსაყდრემ, მიტროპოლიტმა შიომ განაცხადა, რომ მსოფლიოში მიმდინარე გლობალიზაციის პროცის ფონზე მნიშვნელოვანია ქრისტიანული ღირებულებების და ოჯახის სიმტკიცის დაცვა და კმაყოფილებით აღნიშნა ამ კუთხით პრეზიდენტ ტრაპმის დამოკიდებულების თაობაზე.

ბატონმა ელჩმა ბრძანა, რომ იცნობს საქართველოს და უყვარს ჩვენი ქვეყანა ჯერ კიდევ იმ დროიდან, როცა 25 წლის ასაკში პირველად ჩამოვიდა საქართველოში. მან დასძინა, რომ აშშ ძალზედ დაინტერესებულია იმით, რომ რაიმე ზიანი არ მიადგეს საქართველოს მოსახლეობის სულიერი ღირებულებების დაცვას და რომ ოჯახის სიმტკიცისთვის ზრუნვა მათთვისაც მნიშვნელოვანია.

შეხვედრაზე ასევე შეფასდა საქართველოში ჩატარებული საპრეზიდენტო არჩევნები.

,,არჩევნების პერიოდი ცოტა რთულია ჩვენთან, რადგან ემოციური ხალხი ვართ. დღემდე დამარცხებულმა მხარემ არ სცნო გამარჯვება სალომე ზურაბიშვილისა,“ _ ბრძანა მისმა უწმინდესობამ.

,,ჩემი პირადი შეხედულება გახლავთ, _ განაცხადა ბატონმა ელჩმა, _ რომ საქართველომ უნდა გადალახოს ეს. დემოკრატია თავის თავში გულისხმობს როგორც გამარჯვებას, ასევე დამარცხებასაც და მე ვფიქრობ, რომ ბრძენმა ლიდერებმა, რომლებიც ზრუნავენ თავის ქვეყნაზე და ასევე ზრუნავენ თავისი პარტიის გრძელვადიან წარმატებაზე, უნდა აღიარონ ეს. მე ასევე ვურჩიე საქართველოს მთავრობასაც, რომ მათ უნდა გაითვალისწინონ ის რეკომენდაციები, რაც გასცა საერთაშორისო ორგანიზაციებმა და მოახდინონ იმ ხარვეზების აღმოფხვრა, რაც არსებობდა. რა თქმა უნდა, ვთვლი, რომ მნიშვნელოვანი და აუცილებელია ყველამ პატივი სცეს არჩევნების შედეგებს და აღიარონ გამარჯვებულის გამარჯვება.“

შეხვედრის დასასრულს მისმა უწმინდესობამ ბ-ნ როს უილსონს სამახსოვრო საჩუქარი გადასცა და თანამშრომლობის გაღრმავების სურვილი გამოთქვა”, – ნათქვამია საპატრიარქოს მიერ გავრცელებულ ინფორმაციაში.


წყარო: http://euronews.ge
FaceBook Twitter Google
მსგავსი სიახლეები
ჩვენს ცნობილ ამასწინანდელ წერილზე საქართველოს პარლამენტის წევრთა
მიმართ საშუალო სკოლებში მოსწავლეთა უფასო კვების ინიციატივასთან
დაკავშირებით მხარდამჭერი პოზიცია წერილობით გვაცნობეს დეპუტატებმა,
ქალბატონმა ეკა ბესელიამ, ბატონებმა - რომან გოცირიძემ და გია
ჟორჟოლიანმა.

უდიდეს მადლობას ვუხდით მათ და ველით სხვა დეპუტატებისგან ანალოგიურ
პასუხებს 26 მაისამდე.
23.05.2019
ჩვენს ცნობილ ამასწინანდელ წერილზე საქართველოს პარლამენტის წევრთა მიმართ საშუალო სკოლებში მოსწავლეთა უფასო კვების ინიციატივასთან დაკავშირებით მხარდამჭერი პოზიცია წერილობით გვაცნობეს დეპუტატებმა, ქალბატონმა ეკა ბესელიამ, ბატონებმა - რომან გოცირიძემ და გია ჟორჟოლიანმა.

უდიდეს მადლობას ვუხდით მათ და ველით სხვა დეპუტატებისგან ანალოგიურ პასუხებს 26 მაისამდე.
შალვა ნათელაშვილი ამერიკელ კონგრესმენებს საქართველოში არსებულ მძიმე
ვითარებაზე ინფორმაციას მიაწვდის.
23.05.2019
შალვა ნათელაშვილი ამერიკელ კონგრესმენებს საქართველოში არსებულ მძიმე ვითარებაზე ინფორმაციას მიაწვდის. "ლეიბორისტული პარტიის" ლიდერი ვაშინგტონში კონგრესმენებთან შეხვედრების ფარგლებში საარჩევნო პროცესებსა და ბიძინა ივანიშვილის ოლიგარქიულ მმართველობაზე საუბარს გეგმავს.
,, წილხვედრობის, თუ წილხვდომობის დღის აღსანიშნავ ზეიმზე სახელმწიფო
რომ გვგონია, ის კანტორა, 900 ათას ლარს დახარჯავს კონცერტებში,
23.05.2019
,, წილხვედრობის, თუ წილხვდომობის დღის აღსანიშნავ ზეიმზე სახელმწიფო რომ გვგონია, ის კანტორა, 900 ათას ლარს დახარჯავს კონცერტებში,
შალვა ნათელაშვილის მორიგი ვიზიტი შეერთებულ შტატებში - ვაშინგტონში
„ლეიბორისტების“ ლიდერი ცოტა ხნის წინ გაფრინდა. ნათელაშვილის თქმით,
დაგეგმილია აუდიენცია სენატორებთან და კონგრესმენებთან. შეხვედრებზე
მთავარი ლეიბორისტი საქართველოში არსებულ მძიმე ვითარებაზე საუბარს
აპირებს.
23.05.2019
შალვა ნათელაშვილის მორიგი ვიზიტი შეერთებულ შტატებში - ვაშინგტონში „ლეიბორისტების“ ლიდერი ცოტა ხნის წინ გაფრინდა. ნათელაშვილის თქმით, დაგეგმილია აუდიენცია სენატორებთან და კონგრესმენებთან. შეხვედრებზე მთავარი ლეიბორისტი საქართველოში არსებულ მძიმე ვითარებაზე საუბარს აპირებს.
ვიდეოები