ახალი ამბები
ერთ მომიტინგესაც რომ ჩამოუვარდეს თმის ღერი, ივანიშვილის ხელისუფლების პასუხისმგებლობის საკითხს გადაწყვეტს ხალხი - ნათელაშვილი
ერთ მომიტინგესაც რომ ჩამოუვარდეს თმის ღერი, ივანიშვილის ხელისუფლების პასუხისმგებლობის საკითხს გადაწყვეტს ხალხი - „ლეიბორისტული პარტიის“ ლიდერი ქვეყნის მტერს უწოდებს მას, ვინც პანკისის ხეობაში სპეცრაზმის შეყვანის გადაწყვეტილება მიიღო.
შალვა ნათელაშვილი მოუწოდებს ხელისუფლებას მთელი ქვეყნის მასშტაბით შეწყვიტონ ჰესების მშენებლობა და თითი არ დააკარონ არც ერთ მომიტინგეს.

„ვინც ეს დანაშაულებრივი გადაწყვეტილება მიიღო, რომ მშვიდობიანი ხალხისთვის დაეპირისპირებინა შეირაღებული ძალები, ის არის საქართველოს უპირველესი მტერი და მან უნდა აგოს პასუხი. ამიტომ უნდა დაიწყოს გამოძიება, ვინ გასცა ეს დანაშაულებრივი განკარგულება და რა თქმა უნდა გასცა ივანიშვილმა წინასწარ გეტყვით. და სველი თითი არ უნდა დაადონ მომიტინგეებს. მე წინასწარ ვაფრთხილებ ხელისუფლებას, პასუხისმგებლობის სუბიექტი არის ეს რეჟიმი.

"ივანიშვილის რეჟიმს დარჩა ძალიან ცოტა, ის უკვე იმყოფება შემოდგომის ბუზის სტადიაში, ამიტომ რაც დარჩათ იმ პერიოდში, შეწყვიტონ ჰესების მშენებლობა მთელ საქართველოში და არცერთ მშვიდობიან მომიტინგეს პროტესტანტს არ ჩამოუვარდეს ერთი თმის ღერიც. სხვა შემთხვევაში, მათი პასუხისმგებლობის საკითხს გადაწყვეტენ არა კომპეტენტური ორგანოები, არამედ ხალხი და იქნებიან ამის ღირსები,“-განაცხადა შალვა ნათელაშვილმა.
| ბეჭდვა |