ახალი ამბები
ამერიკის სამხედრო ბაზების გახსნასა და საქართველოს, როგორც გენოციდის მსხვერპლად აღიარებაშია ხსნა


„ლეიბორისტული პარტიის“ ლიდერი ვლადიმერ პუტინის სახიფათო გზავნილებზე საერთაშორისო რეაგირებას ითხოვს. შალვა ნათელაშვილი აცხადებს, რომ საქართველო დაუყოვნებლივ უნდა იქნას აღიარებული ოკუპაციის და გენოციდის მსხვერპლ სახელმწიფოდ. მისივე თქმით, პუტინის განცხადება პირდაპირ ნიშნავდა იმას, რომ ის გეგმავს ნაწილ ნაწილ მიითვისოს ქვეყნის ტერიტორიები. ამის შესაჩერებლად კი შალვა ნათელაშვილი ამერიკის შეერთებული შტატების სამხედრო ბაზების საქართველოში განთავსებას ითხოვს.
შალვა ნათელაშვილი: გუშინ რუსეთის პრეზიდენტმა პუტინმა მთელს მსოფლიოს განუცხადა, რომ ქართული სახელმწიფო ისტორიულად არ არსებობდა. რაც ვართ ისიც ოკუპაციითა და გენოციდით სხვა ერების მიმართ და რომ მომავალშიც არ გვაქვს უფლება აღვიდგინოთ ტერიტორიული მთლიანობა და გვქონდეს სახელმწიფოებრიობის პრეტენზიები. ეს არის ყველაზე საშიში განცხადება, რაც კი ოდესმე რომელიმე ჩვენდამი მტრულად განწყობილი სახელმწიფოს მეთაურს გაუკეთებია, ეს ნიშნავს იმას, რომ საკმარისია რეგიონალური კრიზისი, ან გლობალური გამწვავება დედამიწაზე, ან საკმარისია ჩვენმა მოკავშირეებმა ვეღარ მოიცალონ ჩვენთვის, რუსეთი, აგრესიულ მეზობლებთან ერთად დაგვინაწილებს და წაგვიღებს ნაწილ-ნაწილ. იმისთვის, რომ ეს საფრთხე ავირიდოთ აუცილებელია ორი რამ. პირველი, მთელს მსოფლიოს ვაღიარებინოთ, რომ ვართ ისტორიული დევნისა და გენოციდის მსხვერპლი სახელმწიფო და მეორე, საქართველოს ტერიტორიაზე უნდა გაიხსნა აშშ-ს სამხედრო ბაზა თუნდაც მასზე განლაგებული ბირთვული იარაღით. სხვა შემთხვევაში ქართული სახელმწიფოს არსებობა დგას ოფიციალური საფრთხის წინაშე.
პრეზიდენტ პუტინს შეიძლება ყველაფერი დავაბრალოთ, მაგრამ ის სულელი და უჭკუო პოლიტიკოსი არ არის. მან იცის სად ლაპარაკობს, რას ლაპარაკობს და როდის ლაპარაკობს. გაიხსენეთ როგორ დაიწყო საქართველოს დაშლა როდესაც სახაროვმა განაცხადა, რომ ჩვენ ვართ მცირე იმპერია და ვჩაგრავთ პატარა ერებს. აი მაშინ დაიშალა საქართველო. გუშინდელი განცხადება პუტინის ეს იყო ,,სახაროვი ორი’ და ახალი ეტაპი საქართველოს დაშლისა. და ამას ამბობს პიროვნება, რომელმაც შესანიშნავად იცის, რომ საქართველოს 3000 წლოვანი სახელმწიფოებრიობის ისტორია აქვს, რომ მსოფლიოში 14 ანბანიდან ერთი ქართულია, რომ ხორბლის 28 სახეობიდან 17 არის ქართული, ვაზის 5000 სახეობიდან _ 600 ქართულია. იცის, რომ საქართველო არის ღვინის სამშობლო, რომ რუსეთის იმპერია არის ქართველების შექმნილი, რომ რუსეთისთვის ბირთვული იარაღი ქართვლების მოპოვებულია; ამას ამბობს ადამიანი, რომელმაც შესანიშნავად იცის, რომ არავითარი ოსური და აფსოური სახელწმიფოები დედამიწის ზურგზე არ არსებობდა, მაგრამ ისიც შესანიშნავად იცის, რომ მისი ტოტალური რეჟიმისთვის დემოკრატიული, თავისუფალი საქართველო სერიოზული საფრთხეა. ამდენად, იმპერიული ზრახვების გარდა, ფიქრობს საკუთარი ტახტის შენარჩუნებაზე.
შესაბამისად, ნუ ჩავუთვლით პუტინს ამას შემთხვევით განცხადებად, ისტორიის არცოდნად. ეს ყველაფერი შესანიშნავადა გააზრებული და ამ გეგმმის განხორციელება უკვე დაწყებულია. ვისაც არ სჯერა გაიხედოს დავით გარეჯიდან ბიჭვინთამდე და ტაო კლარჯეთიდან _ ჯავამდე. ამ აგრესიული მეზობლებს დღესაც იგივე მიზნები ამოძრავებთ. ჩვენ ჯერ კიდევ არ ვიცით, მათ შორის რა ფარული მოლაპარაკებები და კონსულტაციები მიმდინარეობს.
საქართველოს ტერიტორიაზე ახუნძლულია რუსეთის სამხედრო ბაზები და ეს ადრე, თუ გვიან იფეთქებს და რომ იფეთქებს, მერე გვიან იქნება. როცა ბორჯომის ხეობაზე რუსეთი გაჭრის ე.წ. სანიტარულ კოლიდორს, გიურმის სამხედრო ბაზისკენ, რა გეგმებიც არსებობს, მერე გვიან იქნება.
ამიტომ ერთადერთი, ამ ეტაპზე, რაც დააბალანსებს რეგიონს სტატეგიულად, და სახელწმიფოებრივად გადაგვარჩენს, არის ამერიკის სამხედრო ბაზების გახსნა და მსოფლიოში იმის აგიტაცია-პროპაგანდირება, რომ ვართ გენოციდის ქვეშ მყოფი ერი, რომლის მიმართაც დღესაც გენოციდი წარმოებს¬
FaceBook Twitter Google
მსგავსი სიახლეები


ლაშა ჩხარტიშვილი პარლამენტის წინ, პროპორციული არჩევნების მოთხოვნით
გამართულ ხალხმრავალ აქციაზე გამოსვლისას, „ლეიბორისტული პარტიის“
ერთ-ერთმა ლიდერმა ლაშა ჩხარტიშვილმა განაცხადა, რომ: დღეს
ივანიშვილმა გაბედა და საკუთარი თავი ღმერთზე მაღლა დააყენა, მან
წაგვართვა უფლის მიერ ნაბოძები მთავარი რამ, არჩევანის თავისუფლება !
18.11.2019


ლაშა ჩხარტიშვილი პარლამენტის წინ, პროპორციული არჩევნების მოთხოვნით გამართულ ხალხმრავალ აქციაზე გამოსვლისას, „ლეიბორისტული პარტიის“ ერთ-ერთმა ლიდერმა ლაშა ჩხარტიშვილმა განაცხადა, რომ: დღეს ივანიშვილმა გაბედა და საკუთარი თავი ღმერთზე მაღლა დააყენა, მან წაგვართვა უფლის მიერ ნაბოძები მთავარი რამ, არჩევანის თავისუფლება !

ლეიბორისტული პარტიის ლიდერი, შალვა ნათელაშვილი, განცხადებას
ავრცელებს:
18.11.2019

ლეიბორისტული პარტიის ლიდერი, შალვა ნათელაშვილი, განცხადებას ავრცელებს:

"შალვა ნათელაშვილი: ივანიშვილმა კვლავ იკადრა უკადრებელი და საუკუნის ,,გადაგდება“ ჩაიდინა,

“ლეიბორისტული პარტიის” ოფისში ოპოზიციამ მობილიზაცია გამოაცხადა.
ჩვენ პარტიის ანალიტიკურ მდივანს, ნინო მეტრეველს დავუკავშირდით და
ოფისში არსებულ მდგომარეობაზე კომენტარი ვთხოვეთ.
18.11.2019

“ლეიბორისტული პარტიის” ოფისში ოპოზიციამ მობილიზაცია გამოაცხადა. ჩვენ პარტიის ანალიტიკურ მდივანს, ნინო მეტრეველს დავუკავშირდით და ოფისში არსებულ მდგომარეობაზე კომენტარი ვთხოვეთ.


ლეიბორისტული პარტიის ოფისში შეკრებილი სრულიად ოპოზიცია შეანხმდა,
რომ თუ სახელისუფლებო პარტია პირობას არ შეასრულებს და პრპორციულ
არჩევნებზე გადასვლის საკონსტიტუციო ცვლილება არ მოხედება, ქვეყანაში
პერმანენტული საპროტესტო აქციები დაიწყება.
18.11.2019

ლეიბორისტული პარტიის ოფისში შეკრებილი სრულიად ოპოზიცია შეანხმდა, რომ თუ სახელისუფლებო პარტია პირობას არ შეასრულებს და პრპორციულ არჩევნებზე გადასვლის საკონსტიტუციო ცვლილება არ მოხედება, ქვეყანაში პერმანენტული საპროტესტო აქციები დაიწყება.
ვიდეოები