ახალი ამბები
"სემეკი ხელისუფლებასთან შეთანხმებით, გაზის სამომხმარებლო ტარიფის 50%-იან მატებას გეგმავს" - გუგავა
ხმაური ენერგეტიკის მარეგულირებელი კომისიის სხდომაზე - სემეკის წევრებს ლეიბორისტული პარტიის წარმომადგენლები დაუპირისპირდნენ.

დღევანდელ სხდომაზე ეროვნული ვალუტის გაუფასურების გამო, ტარიფების გადახედვაზე მსჯელობენ. ბუნებრივი აირის სამომხმარებლო ტარიფები ენერგეტიკისა და წყალმომარაგების მარეგულირებელ კომისიას განსაზღვრული ჰქონდა კურსით, როცა დოლარი 2 ლარი და 70 თეთრი ღირდა.

„ლეიბორისტული პარტიის“ ერთ-ერთი ლიდერი, გიორგი გუგავა ირწმუნება, რომ სემეკი ხელისუფლებასთან შეთანხმებით, გაზის სამომხმარებლო ტარიფის 50%-იან მატებას გეგმავს.

„ქვეყანა იქცეოდა და ტურას ქორწილი ჰქონდაო, ზუსტად ასეა ამათი საქმე. იხელთეს დრო, რათა მოხდეს კვლავ გაძვირება გაზზე ტარიფებისა. რამდენიმე დღის წინ, მაფიოზმა კალაძემ, თავის ამფსონებთან ერთად საბოლოოდ გადაიფორმა თბილისის გაზი და არ დააყოვნა, სემეკში შემოიტანა განაცხადი იმის შესახებ, რომ გაზზე ტარიფები გაიზარდოს 50%-ით. რაც არის სოციალური კატასტროფა,“-ამბობს გუგავა.
| ბეჭდვა |