ოლიგარქებმა რევანში გადაწყვიტეს

ახალი ამბები

შსს-მ ჩოჩელისგან 7 მლნ ლარის ტკბილეული იყიდა

,,პასუხი ბანალურ კითხვაზე, როდის გვეშველება? არსებობს მარტივი პასუხი: გვეშველება მაშინ, როდესაც უკანასკნელი მილიონერი დატოვებს ქართულ პოლიტიკას, ხოლო საქართველოს ბიუჯეტი დაუბრუნდება მის შემქმნელ ქართველ ხალხს.“ _ ეს გამცხადება შალვა ნათელაშვილმა ბრიფინგზე გააკეთა და ამომრჩეველს მოუწოდა არ მისცენ ხმა ოლიგარქებს.

შალვა ნათელაშვილი:

_ მთავრდება ივანიშვილის ეპოქა. 31 ოქტომბერს დგება პოლიტიკური აღსასრული! ოლიგარქებმა გადაწვიტეს რევანში და გუშინ გავიგეთ, რომ ცნობილ ყაჩაღ ცეზარ ჩოჩელს, ცნობილ მეწამლე კახა ოქრიაშვილთნ ერთად ახალი საარჩევნო პარტია დაურეგისტრირებია. ერთად დაურეგისტრირებია ახალი საარჩევნო პარტია.

ილუსტრაციისთვის, წარმოგიდგენთ მასალებს, იგივე ჩოჩელთან დაკავშირებით, რომელმაც ჯერ კიდევ ნაცმოძრაობისას, გუბერნატორობის დროს, 26 მლნ დოლარი მარტო რკინიგზის ფონდებიდან მიითვისა, რის გამოც პასუხისგებაში მისცეს, მაგრამ მერე ერთგული მონობის პირობით, ისევ გაუშვეს ჩვენი ბიუჯეტის ,,მოსაქაფად“. მარტო ამ პიროვნების კომპანია ,,მიქსორს“ ტენდერებით, თბილისში სხვადასხვა ინფრასტრუქტურებზე ბოლო წლებში, 8 მლნ აქვს მოგებული. სად შოკოლადები და სად _ მშენებლობაო, იტყვით. ყაჩაღებისთვის ყველაფერო მოსულა.

ყველაზე განსაცვიფრებელია , რომ ცეზარ ჩოჩელის კომპანიას ბიუჯეტიდან მიღებული აქვს 570 ათასი აფხაზეთიდან დევნილი ბავშვებისთვის, კანფეტებისთვის. ჯერ ისაა საინტერესო რომელმა ბავშვმა მიირთვა ეს კანფეტი (რა თქმა უნდა ეს ფულის გათეთრებაა), მეორეც ცხინვალიდან, ახალგორიდან ბავშვბს არ ეკუთვნოდათ კანფეტები?

უფრო საოცარი ამაბავი. შინაგან საქმეთა სამინისტრომ ახლახანს, ჩოჩელისგან კარამელის შესყიდვაში 1 მლნ 91 ათასი ლარი გადაიხადა. ამის გარდა, იგივე სამინისტროს შესყიდული აქვს 6 მლნ ლარის ტკბილეული. სასწრაფოდ შესამოწმებელია შინაგან საქმეთა სამინისტრო. თუ ამდენი ტკბილეული ჭამეს ღმერთმა დაიფაროს და მეტაბოლური ფუნქცია სერიოზულად ექმენათ დარღვეული.

ჩოჩელის პარტნიორი უჩა კაპანაძის კომპანია ,,კრისტალს“ მოგებული აქვს 7 მლნ 760 ათასი ლარის ტენდერი, ამჯერად უკვე თბილისის მერიაში. ოქრიაშვილს, რომელიც 1 ლარიან წამალს 30 ლარად ყიდის, ბოლო წლებში 145 ნლნ ლარის ტენდერები აქვს მოგებული.

მოკლედ, როგორც ველოდით, დაიწყება ოლიგარქიული რევანში. მთავარია ჩვენ ვიყოთ ფხიზლად არ გავიყიდოთ არც თანამდებობებზე, არც ფულზე, არც ხახვზე და კარტოფილზე. გამოსავალი ჩვენშია! ხსნა ჩვენშია! არ ავყვეთ 30 ვერცხლის ცდუნებას.