მიხეილ ქუმსიშვილი. ლეიბორისტული პარტიის ახალგაზრდული ორგანიზაციის ხელმძღვანელი.
- ხელისუფლების გადაწყვეტილებამ რეგულაციების ნაწილობრივ შემსუბუქებასთან დაკავშირებით ერთადერთი რაც დაგვანახა არის ის, რომ პროტესტის მასშტაბურობა არის პირდაპირ პროპორციული შეზღუდვების მოხსნის. გამოვა მეტი ხალხი? მეტს დათმობს ოცნება.
ამ კონკრეტულ შემსუბუქებას კი რაც შეეხება, ეს არის უბრალოდ გადმოყრილი საკენკი. კვლავ იგნორირებული რჩებიან სტუდენტები, რესტორნების სრული უმრავლესობა (ვისაც ღია სივრცე არ აქვს), სამთო კურორტები, გასართობი ცენტრები და ბევრი სხვადასხვა პროფილის მქონე მცირე და საშუალო ბიზნესები. მთავარი უაზრობა და უკანონობა - კომენდატის საათი კვლავ განუსაზღვრელი ვადით მოქმედებს. ჩემი აზრით პროტესტის შენელების საფუძველი არ არსებობს. პირიქით, ხალხმა უნდა ირწმუნოს საკუთარი ძალა და კიდევ უფრო მეტი გამოვიდეს გარეთ!