დღეს, ერთ-ერთ სატელევიზიო ეთერში ცა მოწმენდილზე, ნაცმოს ყოფილმა ერთ-ერთმა ლიდერმა ზაზა ბიბილაშვილმა შალვა ნათელაშვილი ირიბად, მაგრამ მოხერხებულად რუსული ინტერესების გატარებაში დაადანაშაულა.
ყველა, ყველა და რუსული ინტერესების გატარებაში რომ ის კაცი გადანაშაულებს ვინც სულ რაღაც ხუთი წლის წინ რუსი მილიარდელის კომპანიის ინტერესებს წარმოადგენდა საქართველოში, ცოტა უხერხულია. მით უმეტეს, თუ ეს კომპანია ,,სისტემა ჰოლდინგია“ რომელიც რუს მილიარდელს ვლადიმერ ევტუშენკოს ეკუთვნის, ვის უკანაც ,,ფეესბე“ დგას და კომპანიის ვიცეპრეზიდენტი არც მეტი, არც ნაკლები ბიძინა ივანიშვილის ახლობელი ბიზნესმენი დავით ხიდაშელია. არ მოგესმათ, დიახ, ის ხიდაშელი, ერთი წლის წინ ოლიგარქ ივანიშვილის თხოვნით და დავალებით მოსკოვიდან დავით გარეჯის ვითომ უცნობი რუკა რომ მოიძია და ჩამოიტანა, რის საფუძველზეც ნატალია ილიჩოვას და ივერი მელაშვილს ბრალი წაუყენეს და დააკავეს.
დავაზუსტოთ: ზაზა ბიბილაშვილი 2016 წელს ფეესბესთან დაკავშირებული„სისტემა ჰოლდინგი“ ერთ-ერთ ბანკს ემსახურებოდა, ანუ, ევტუშენკოს ბანკის ინტერესებს წარმოადგენდა.
და კიდევ ერთი. 2020 წლის საპარალმენტო არჩევნებით რუსული სპეცსამსახურები საქართველოში პრორუსული ძალის შექმნას რომ აპირებდნენ, ბატონ ვასაძის თაოსნობით, იმ საარჩევნო კამპანიის დაფინანსებას სწორედ ბატონი ევტუშენკოს ჰქონდა კრემლიდან დავალებული.
ისე რომ ჭორების გავრცელებას საკუთარი რუსული კუდი და რუბლის მიხედვა ჯობია, ბატონო ზაზა!