პროგრამა
23.10.2020
"მომავალი შენია"
ძირითადი მიმართულებები
ძირითადი მიმართულებები
სოციალურად დაცული მოქალაქე
- თითეულ მოქალაქეზე გაიცემა 1000 ლარი, კოვიდ პანდემიის დროს მიღებული ზარალის საკომპენსაციოდ;
- პენსია გახდება 400 ლარი; მამაკაცებისა და ქალბატონებისათვის საპენსიო ასაკი იქნება თანაბარი_ 60 წელი;
- მრავალშვილიან ოჯახებს, თითეულ ბავშვზე შემწეობა განისაზღვრება 200 ლარით;
- საჯარო სკოლებში ბავშვებისათვის დაწესდება ერთჯერადი უფასო კვება;
- სასწავლო წლის დასაწყისში ყველა მოსწავლეზე გაიცემა პერსონალური კომპიუტერი;
- სახელმწიფო უმაღლეს სასწავლებლებში სტუდენტების სწავლებას სრულად დააფინანსებს სახელმწიფო;
- სტატუსშეწყვეტილ სტუდენტებს დავაბრუნებთ სასწავლებლებში;
- 500 ლარით განისაზღვრება მინიმალური ხელფასი;
- მშრომელებისათვის დავაწესებთ ღირსეულ და უსაფრთხო სამუშაო პირობებს;
- სოციალურად დაუცველი ოჯახების შემწეობა გაუთანაბრდება საარსებო მინიმუმს;
- სასიცოცხლო მნიშვნელობის მედიკამენტებზე და აუცილებელ საკვებ პროდუქტებზე დაწესდება დაბალი, ზღვრული ფასები.
ადამიანის ჯანმრთელობა და სიცოცხლე იქნება
დაცული
- საქართველოს მოქალაქისათვის, საჭიროების შემთხვევაში გამოკვლევები, გადაუდებელი ოპერაცია, მკურნალობა, რეაბილიტაცია და მედიკამენტები სრულად დაფინანსდება სახელმწიფოს მიერ;
- საქართველოს ყველა რეგიონში გაიხსნება მრავალპროფილური სამედიცინო კლინიკები, მოქალაქეთა უფასო მომსახურებისათვის;
- სამედიცინო პერსონალს კვალიფიკაციის შესაბამისად, დაენიშნებათ ღირსეული ანაზღაურება;
- სამედიცინო სფეროში (მედიკამენტების წარმოება, შემოტანა, დისტრიბუცია, დაზღვევა) აიკრძალება მონოპოლიური საქმიანობა; წამლებზე ფასები განახევრდება.
ძლიერი ეკონომიკა - დასაქმებული
მოქალაქე
- შევქმნით ეფექტურ სახელმწიფო მექანიზმებს მცირე და საშუალო ბიზნესის ასაღორძინებლად და მონოპოლიების გასაკონტროლებლად.
- მცირე მეწარმეობა სრულად განთავისუფლდება სახელმწიფო მოსაკრებლისაგან, ხოლო საშულო სიმძლავრის ბიზნესს გაუნახევრდება გადასახადები.
- მცირე მეწარმე, რომელიც შექმნის მინიმუმ 10 ახალ სამუშაო ადგილს, 5 წლით განთავისუფლდება საშემოსავლო გადასახადისაგან.
- ეროვნული წარმოების განვითარებაზე გაიცემა უპროცენტო კრედიტები;
- სახელმწიფო ხელს შეუწყობს ქვეყანაში წარმოებული პროდუქციის ექსპორტს;
- ბანკებს აეკრძალებათ არაპროფილური საქმიანობა; საპროცენტო განაკვეთი სესხებზე არ იქნება 4-5% მეტი;
- განვავითარებთ სოფლის მეურნეობას. თითეულ მუნიციპალიტეტში შეიქმნება აგრარული ცენტრები, რომლებიც დაბალ ფასებში უზრუნველყოფს ფერმერების და გლეხების მომსახურებას (ხვნა-ფარცხვა, კულტივაცია, სასუქები, პროდუქციის გადაზიდვა);
- განსაკუთრებულად მხარდაჭერილი იქნება ბიო და კოოპერაციული მეურნეობები;
- მაღალმთიან რეგიონებში წარმოება სრულად განთავისუფლდება გადასახადებისაგან;
- სახელმწიფო, პროტექციონიზმის გზით, დაიცავს შიდა სამომხმარებლო ბაზარს მონოპოლისტი იმპორტიორებისგან. პროდუქციის შემოტანაზე, რომელიც იწარმოება საქართველოში, დაწესდება მაღალი გადასახადები;
- სახელმწიფო სტრატეგიულ მოკავშირეებთან პარტნიორობით, ააშენებს ღრმაწყლოვან პორტს ანაკლიაში;
- შეიქმნება 300 000 დამატებითი სამუშაო ადგილი;
- კაზინოებს გავიტანთ ქალაქგარეთ; მკაცრად შეიზღუდება ოლაინ აზარტული თამაშები;
- მკაცრად შევზღუდავთ უცხო ქვეყნის მოქალაქეების მასობრივ ესპანსიონისტურ გადმოსახლებას ქვეყანაში;
- ოლიგარქების მიერ მიტაცებული ეროვნული სიმდიდრე და სტრატეგიული მნიშვნელობის საწარმოები დაუბრუნდება სახელმწიფოს და შემოსავლები (5 მილიარდი წელიწადში) სამართლიანად გადანაწილდება ხალხზე.
გარემოს დაცვა - მდგრადი განვითარება
- გარემოს დაცვა წარმოადგენს სიცოცხლისა და ჯანმრთელობის შენარჩუნების უპირველეს საწინდარს, რომელიც ასევე, მდგრადი და გრძელვადიანი განვითარების საფუძველია, ამიტომაც ის ჩვენი განსაკუთრებული პრიორიტეტია;
- ავკრძალავთ დიდი ჰესების და ატომური სადგურების მშენებლობას. მცირე ჰესები აშენდება მხოლოდ ევროპული სტანდარტებით და ადგილობრივი მოსახლეობის უმრავლესობის თანხმობით;
- მნიშვნელოვნად გავზრდით მზის, ქარის და ენერგიის სხვა ალტერნატიული წყაროების, ასევე ენერგოეფექტური ტექნოლოგიების გამოყენებას;
- გავზრდით და შევინარჩუნებთ დაცულ ტერიტორიებისა და რეკრეაციული ზონებს;
- მაქსიმალურად შევამცირებთ ჰაერის დაბინძურებას სამშენებლო და სამრეწველო სამუშაოების, ასევე საწვავის ხარისხის მკაცრი კონტროლის მეშვეობით;
- დავაწესებთ სამშენებლო მასალების, მედიკამენტების, სათამაშოების და სხვა ნაწარმის უვნებლობის სახელმწიფო კონტროლს.
ქვეყნის დეოკუპაცია და უსაფრთხოება
- ქართველი ხალხის მიმართ განხორციელებული ისტორიული და მიმდინარე გენოციდი აღიარებული უნდა იქნეს საერთაშორისო საზოგადოების მიერ, რაც მომავალში გამორიცხავს ამდაგვარ ქმედებებს და ხელს შეუწყობს ქვეყნის დეოკუპაციას (მაგალითები ისრაელი და სომხეთი);
- სოხუმი უნდა გამოცხადეს ქვეყნის კონსტიტუციურ დედაქალაქად (თბილისს მუდმივად ექნება ეს სტატუსი), ხოლო ცხინვალი _ საპარლამენტო ქალაქად, რათა მსოფლიოს მუდმივად ახსოვდეს, რომ ქვეყნის განუყოფელი რეგიონებია ოკუპირებული;
- შეიარაღებული ძალები კვლავ განთავსდება ოკუპაციის ხაზთან, რათა აღიკვეთოს ჩვენი მოქალაქეების უკანონო გატაცება-დატყვევება;
- საქართველოში განლაგდება ამერიკის შეერთებული შტატების სამხედრო ბაზა, რაც უზრუნველყოფს ჩვენი ქვეყნის უმაღლეს დონეზე უსაფრთხოებას, ყოველი ავადმოსურნე მეზობლის მხრიდან.
სამართლიანობის დამკვიდრება
- ქვეყანაში სამართლიანობის დამკვიდრებისათვის, მართმსაჯულების და მართლწესრიგის განხორციელებისათვის, გატარდება სწრაფი და ეფექტური პოლიტიკა;
- მოსამართლეებს და პოლიციის უფროსებს ადგილებზე აირჩევს მოსახლეობა;
- სააპელაციო და უზენაესი სასამართლოს შემადგენლობას მიუკერძოებლობის, კვალიფიკაციისა და პოლიტიკური გავლენებისგან თავისუფლების პრინციპით, დაამტკიცებს პარლამენტი, ოპოზიციის სრული შემადგენლობის ერთი მესამედის აუცილებელი თანხმობით;
- გაუქმდება სხვადასხვა უწყებებში არსებული საგამოძიებო სტრუქტურები; შეიქმნება ერთიანი - ეროვნული საგამოძიებო ბიურო;
- პროკურატურა გახდება სასამართლო სისტემის ნაწილი; მისი უფლებამოსილება იქნება სასამართლოში სახელმწიფო ბრალმდებლის ფუნქცია;
- გაუქმდება სუსი. კონტრდაზვერვა ჩამოყალიბდება დამოუკიდებელ უწყებად;
- პარლამენტში შეიქმნება სპეციალური საგამოძიებო კომისია, რომელიც შეისწავლის და გამოიძიებს ოლიგარქის და მისი გარემოცვის მიერ ჩადენილ დანაშაულებებს და მასალებს რეაგირებისათვის გადასცემს სამართალდამცავ სტრუქტურებს.
სახელმწიფო პოლიტიკური რეფორმები
- განვახორციელებთ საკონსტიტუციო ცვლილებებს და საქართველოს პრეზიდენტს, პირდაპირი არჩევის წესით, კვლავ მოსახლეობა აირჩევს;
- მნიშვნელოვან სახელმწიფოებრივ და ეროვნულ საკითხებზე გადაწყვეტილებებს მიიღებს ხალხი, გამოკითხვის (პლებისციტის) მეშვეობით.
თქვენი თავგანწირული ბრძოლით და
მხარდაჭერით, ჩვენ შევძელით ოპოზიციის გაერთიანება,
საკონსტიტუციო ცვლილებების განხორციელება, პოლიტიკური პატიმრების
გათავისუფლება, პოლიტიკურად მოტივირებული საქმეების შეწყვეტა;
მოვიპოვეთ სტრატეგიული პარტნიორების მხარდაჭერა და შევქმენით ყველა
წინაპირობა პუტინისტური ოლიგარქიის
შესაცვლელად.
მომავალი შენია!
