„მმართველი ოლიგარქიული ოჯახი გასკდა. მათ ვერ გაიყვეს მილიარდები და ქვეყნის ეროვნული სიმდიდრე. განხეთქილებას, რა თქმა უნდა, მოსდევს უფრო ძლიერი ოლიგარქის მიერ შედარებით ნაკლებად ძლიერი ოლიგარქის დაჭერა, დაჩაგვრა, გაკულაკება. იგივე მოხდა ხაზარაძის მიმართ. ამ უთანხმოების გამოძახილი იყო ხაზარაძის მცდელობა, შეექმნა პოლიტიკური პარტია და, რა თქმა უნდა, შემდგომ ამას დაემატა ანაკლიის პრობლემა, რომელიც პუტინის დავალებით არ უნდა აშენდეს და აღნიშნულმა პროცესებმა ერთობლიობაში გამოიწვია ის შედეგი, რაც დღეს მოვისმინეთ და, ალბათ, ეს პროცესი გაგრძელდება,“ - განაცხადა შალვა ნათელაშვილმა.